பரிசோதனையும், விழிப்புணர்வும்...

நம் நாட்டில் ஏற்படும் மரணங்களுக் கான முதல் 5 காரணங்களில் புற்று நோயும் ஒன்றாக இருக்கிறது. நம் நாட்டில் 1990-ஆம் ஆண்டுகளுக்குப் பிறகு புற்று நோய் பாதிப்புகள் அதிகரித்துள்ளதாக ஆய்வுகள் கூறுகின்றன. 1990-க்குப் பிறகு 33 ஆண்டுகளில் புற்றுநோய் பாதிப்பு விகிதம் 26% அதிகரித்துள்ளதாக தற்போ தைய ஆய்வுகள் கூறுகின்றன. 1990-இல் ஒரு லட்சம் பேரில் 85 பேருக்கு புற்று நோய் பாதிப்பு இருந்தது. அது 2023-இல் 107-ஆக அதிகரித்துள்ளது. புற்றுநோய் பாதிப்பில் ஆசியாவில் நாம் 2-ஆவது இடத்தில் இருக்கிறோம் என்று ஆய்வுகள் தெரிவிக்கின்றன.

- ஐவி. நாகராஜன்

நம் நாட்டில் புற்றுநோயால் பாதிக்கப் படுவோர் எண்ணிக்கையும், அதேபோல், புற்றுநோயால் இறப்பவரின் எண்ணிக் கையும் நாளுக்கு நாள் அதிகரித்துக் கொண்டே செல்கிறது.

புற்றுநோயால் பாதிக்கப்படுவோ ரில் ஐந்தில் மூன்று பேர் உயிர்வாழ்வ தில்லை. புற்றுநோயால் இறக்கும் ஆண் களுக்கு வாய்ப் புற்றுநோயும், பெண்க ளுக்கு மார்பக புற்றுநோய், கர்ப்பப்பை வாய் புற்றுநோயும் பிரதான காரணிகளாக இருக்கின்றன என்று புள்ளிவிவரங்கள் கூறுகின்றன.

சீனாவிலும், அமெரிக்காவிலும் கடந்த 33 ஆண்டுகளில் புற்றுநோய் பாதிப்பா னது கணிசமாகக் குறைந்திருக்கிறது என் றும் ஆய்வுகள் தெரிவிக்கின்றன. இதற்கு, இவ்விரு நாடுகளிலும் வலுவான புகை யிலை கட்டுப்பாடு, எல்லோருக்கும் தடுப் பூசி மற்றும் ஒழுங்கமைக்கப்பட்ட பரி சோதனை ஆகியவைதான் காரணமாக கூறப்படுகின்றன.

நம் நாட்டில் புற்றுநோய் பரவலுக்கு, அதிக புகையிலை பயன்பாடு, உடல் பருமன், வாழ்க்கைமுறை மாற்றம், நோய்த் தொற்று ஆகியவை காரணங்களாக இருக் கின்றன. உலகில் பிற நாடுகளைக் காட்டி லும் நம் நாட்டில் புகையிலை பயன்பாடு என்பது அளவுக்கு அதிகமாக இருக்கிறது. வாயில் மென்று திண்ணும் அல்லது உதடு இடுக்குகளில் அடக்கிவைக்கும் புகையி லையால் ஏற்படும் வாய் புற்றுநோயில் உல கின் தலைமையிடம் என்று சொல்லும் அளவுக்கு நம் நாட்டில் புகையிலை பயன் பாடு இருக்கிறது.