ஈரான் போர் அமைதிப் பேச்சில் மந்தநிலை பங்குச்சந்தையில் வீழ்ச்சியுடன் வார வர்த்தகம் தொடக்கம்

அமெரிக்கா-ஈரான் இடையிலான அமைதிப்பேச்சுவார்த்தையில் முன்னேற்றம் ஏற்படாததைத் தொடர்ந்து, கச்சா எண்ணெய் விலை உயர்ந்ததன் காரணமாக இந்தியப் பங்குச் சந்தை வாரத்தின் முதல் வர்த்தக தினமான திங்கள்கிழமை வீழ்ச்சியுடன் தொடங்கியது.

- 

இதைத் தொடர்ந்து, மும்பை பங்குச் சந்தைக் குறியீடான சென்செக்ஸ், தேசிய பங்குச் சந்தைக் குறியீடான நிஃப்டி ஆகிய இரண்டும் சுமார் 1.5 சதவீத சரிவுடன் நிலைபெற்றன.

அமெரிக்கா முன்வைத்த அமைதித் திட்டத்துக்கு ஈரான் அளித்த பதிலை 'ஏற்றுக்கொள்ள முடியாதது' என்று அமெரிக்க அதிபர் டொனால்ட் டிரம்ப் நிராகரித்ததைத் தொடர்ந்து சர்வதேச சந்தையில் கச்சா எண்ணெய் விலை கடுமையாக உயர்ந்தது.