காலிறுதியில் மோதும் ஸ்வெரெவ் - மெத்வதெவ்

பெய்ஜிங், செப். 28: சீனா ஓபன் டென்னிஸ் போட்டியின் காலிறுதிச்சுற்றில், ஜெர்மனியின் அலெக்ஸாண்டர் ஸ்வெரெவ் - ரஷியாவின் டேனியல் மெத்வதெவ் மோதுகின்றனர்.

- 

காலிறுதிக்கு முந்தைய சுற்றில், போட்டித்தரவரிசையில் 2-ஆம் இடத்திலிருக்கும் ஸ்வெரெவ் 7-5, 3-6, 6-3 என்ற செட்களில், பிரான்ஸின் காரென்டின் மௌடெட்டை வீழ்த்தினார். 8-ஆம் இடத்திலிருக்கும் மெத்வதெவ் 6-3, 6-3 என்ற நேர் செட்களில் ஸ்பெயினின் அலெக்ஸாண்ட்ரோ டேவிடோவிச்சை சாய்த்தார்.

அடுத்து காலிறுதியில் ஸ்வெரெவ் - மெத்வதெவ் எதிர்கொள்கின்றனர். இருவரும் இதுவரை 20 முறை மோதியிருக்க, மெத்வதெவ் 13 வெற்றிகளுடன் முன்னிலையில் இருக்கிறார்.