செந்தில் பாலாஜிக்கு எதிரான தீர்ப்பின் கருத்துகளை நீக்க உச்சநீதிமன்றம் மறுப்பு

முந்தைய அதிமுக ஆட்சியில் (2011-2016) வேலை பெற்றுத் தருவதாக பணம் வாங்கியதாக தொடுக்கப்பட்ட வழக்கில் முன்னாள் அமைச்சர் செந்தில் பாலாஜிக்கு எதிரான '2022' தீர்ப்பில் இடம் பெற்றுள்ள சில கருத்துகளை நீக்க உச்சநீதிமன்றம் மறுத்துவிட்டது.

- நமது நிருபர்

நமது நிருபர் புது தில்லி, ஆக. 11:

'இந்தக் கருத்துகள் செந்தில் பாலாஜிக்கு எதிரான வழக்கு விசாரணையில் எந்தத் தாக்கத்தையும் ஏற்படுத்தாது' என்றும் நீதிபதிகள் தெளிவுபடுத்தினர்.

இந்த விவகாரத்தில் செந்தில் பாலாஜி தாக்கல் செய்த முறையீட்டு மனுக்களை திங்கள்கிழமை விசாரித்த நீதிபதிகள் சூர்யகாந்த், ஜயமால்ய பாக்சி ஆகியோர் அடங்கிய அமர்வு, '2022-ஆம் ஆண்டு பிறப்பிக்கப்பட்ட உத்தரவில் எந்தவொரு வார்த்தையையும் மாற்ற மாட்டோம். தீர்ப்பளித்த நீதிபதிகள் ஓய்வு பெற்ற பிறகு, அவர்களால் அளிக்கப்பட்ட உத்தரவுகளில் மாற்றம் கோரி மனு தாக்கல் செய்யும் நடைமுறையை ஏற்க வேண்டாம் என நீதிமன்றம் ஏற்கெனவே முடிவெடுத்துள்ளது' என்று கூறியது.