குடற்புழு தொற்றால் உடல் வளர்ச்சி பாதிக்கும்: ஆட்சியர்

குடற்புழு தொற்றால் உடல் வளர்ச்சி பாதிக்கப்படும் என்று மாவட்ட ஆட்சியர் துர்கா மூர்த்தி கூறினார்.

- 

நாமக்கல், ஆக. 11:

நாமக்கல் நல்லிபாளையம் அரசு மேல்நிலைப்பள்ளியில் தேசிய குடற்புழு நீக்க மாத்திரைகள் வழங்கும் முகாமை மாவட்ட ஆட்சியர் துர்கா மூர்த்தி திங்கட்கிழமை தொடங்கிவைத்தார்.

ஆண்டுதோறும் பள்ளி மாணவ, மாணவிகளுக்கு குடற்புழு நீக்க முகாம் நடத்துப்பட்டு வருகிறது. இந்த ஆண்டுக்கான முகாமில் மாணவர்களுக்கு குடற்புழு நீக்க மாத்திரைகளை வழங்கி ஆட்சியர் பேசியதாவது:

உலக மக்கள்தொகையில் 24 சதவீதம் பேர் மண்மூலம் பரவும் குடற்புழு தொற்று நோயால் பாதிக்கப்பட்டுள்ளனர். குடற்புழு தொற்றினால் பாதிக்கப்பட்டவர்களுக்கு பொதுவாக அறிகுறிகள் இருக்காது. கடுமையான தொற்று உள்ளவர்களுக்கு வயிற்றுப்போக்கு, வயிற்றுவலி, பலவீனம், பசியின்மை போன்றவை ஏற்படும்.