இலங்கை கடல் கொள்ளையர்கள் தாக்குதல்

3 வேதாரண்யம் மீனவர்கள் மருத்துவமனையில் அனுமதி

- 

வேதாரண்யம், ஆக. 2: கோடியக்கரை கடல் பகுதியில் மூன்று படகுகளில் வெவ்வேறு பகுதிகளில் மீன்பிடித்துக் கொண்டிருந்த வேதாரண்யம் மீனவர்கள் 14 பேர் மீது இலங்கை கடல் கொள்ளையர்கள் வெள்ளிக்கிழமை இரவு தாக்குதல் நடத்தினர். படகு என்ஜினை சேதப்படுத்தி மீனவர்களை விரட்டி அடித்தனர்.

நாகை மாவட்டம், வேதாரண்யத்தை அடுத்த வெள்ளப்பள்ளம் கிராமம் மீனவர் தெருவைச் சேர்ந்த பா.ரகுமான் (30), ப.செல்வம் (45), செ.அஜீத் (27), பெ.பாண்டியராஜ் (28), செ.சஞ்சய் (26), ம.மாதேஷ் (25) ஆகிய 6 மீனவர்களும் கண்ணாடி இழைப் படகு ஒன்றில் வெள்ளிக்கிழமை கடலுக்குள் மீன்பிடிக்கச் சென்றனர்.