தமிழக சுகாதார திட்டங்கள் இந்தியாவுக்கே முன்மாதிரி

தொற்றா நோய்களை கட்டுப்படுத்துவதற்காக தமிழகத்தில் செயல்படுத்தப்படும் சுகாதாரத் திட்டங்கள் இந்தியாவுக்கு முன்மாதிரியாக விளங்குவதாக அமெரிக்க மருத்துவ மாநாட்டில் மக்கள் நல்வாழ்வுத் துறை அமைச்சர் மா.சுப்பிரமணியன் தெரிவித்தார்.

- 

சென்னை, மே 21:

அமெரிக்காவின் கலிபோர்னியா மாகாணத்தில் உள்ள லாஸ் ஏஞ்சலீஸ் நகரில் நடைபெற்ற சர்வதேச மன நல மருத்துவ மாநாட்டில் அமைச்சர் மா.சுப்பிரமணியன் பங்கேற்றார்.

அதில், 'தினமும் மேற்கொள்ளப்படும் நடைப்பயிற்சியால், உடல் மற்றும் மனநலத்தில் ஏற்படும் தாக்கம்' குறித்த தலைப்பில் அவர் பேசியதாவது:

2004-இல் நிகழ்ந்த ஒரு சாலை விபத்தில் சிக்கிக் கொண்ட எனக்கு கால் மூட்டு பல துண்டுகளாக உடைந்து தீவிர சிகிச்சை பிரிவில் அனுமதிக்கப்பட்டு அறுவை சிகிச்சை செய்து 3 மாதங்களாக படுத்த படுக்கையாக இருக்க வேண்டிய சூழ்நிலை நேரிட்டது.