சர்வதேச விண்வெளி நிலையத்தில் தடம் பதித்தார் சுபான்ஷு சுக்லா

அமெரிக்காவின் ஃபுளோரிடா, நாசா விண்வெளி மையத்தில் இருந்து ஃபால்கன் 9 ராக்கெட் மூலம் புதன்கிழமை நண்பகலில் விண்ணில் செலுத்தப்பட்ட 'டிராகன்' விண்கலத்தில் 28 மணி நேர பயணத்துக்குப் பிறகு விண்வெளி வீரர்கள் சர்வதேச விண்வெளி நிலையத்தை பாதுகாப்பாக அடைந்தனர்.

- 

புது தில்லி, ஜூன் 26: 'ஆக்ஸியம்-4' திட்டத்தின் கீழ் முதல் இந்திய விண்வெளி வீரராக சுபான்ஷு சுக்லா உள்பட 4 பேர் கொண்ட குழுவினர், சர்வதேச விண்வெளி நிலையத்தை வியாழக்கிழமை மாலை வெற்றிகரமாக சென்றடைந்தனர்.

கடந்த 1984-இல் ரஷிய விண்கலத்தில் விண்வெளிக்கு சென்ற இந்திய வீரர் ராகேஷ் சர்மாவுக்குப் பிறகு 41 ஆண்டுகள் கழித்து விண்வெளிக்கு செல்லும் 2-ஆவது இந்திய வீரராகவும், சர்வதேச விண்வெளி நிலையத்துக்கு செல்லும் முதல் இந்திய வீரராகவும் சுபான்ஷு சுக்லா சாதனை படைத்துள்ளார்.