மிடில் ஆர்டர் நிதானம்: ஆஸ்திரேலியா 44 ரன்கள் முன்னிலை

ஆஷஸ் தொடரில் இங்கிலாந்துக்கு எதிரான பிரிஸ்பேன் டெஸ்ட்டில் ஆஸ்திரேலியா 44 ரன்கள் முன்னிலை பெற்றது.

- 

அந்த அணியின் டாப் மற்றும் மிடில் ஆர்டர் பேட்டர்கள் நிதானமாக ரன்கள் சேர்த்து அரைசதம் கடந்தனர். இங்கிலாந்து அணி 5 கேட்ச்களை தவறவிட்டதன் பலனாக பின்னடைவை சந்தித்தது. அதன் பௌலர்களில் பிரைடன் கார்ஸ் சிறப்பாகப் பந்துவீசினார்.

பிரிஸ்பேனில் பகலிரவாக நடைபெறும் இந்த பிங்க் பந்து டெஸ்ட்டில் முதலில் பேட் செய்த இங்கிலாந்து, வியாழக்கிழமை முடிவில் 9 விக்கெட்டுகள் இழப்புக்கு 325 ரன்கள் சேர்த்திருந்தது. 2-ஆவது நாளான வெள்ளிக்கிழமை, ஜோ ரூட், ஜோஃப்ரா ஆர்ச்சர் ஆகியோர் அதன் இன்னிங்ஸை தொடர்ந்தனர்.