செப். 29-இல் நகர விற்பனைக் குழு தேர்தல்

மதுரை நகர விற்பனைக் குழு உறுப்பினர்கள் தேர்தல் வருகிற 29-ஆம் தேதி மாநகராட்சி அலுவலகத்தில் நடைபெறுகிறது.

- 

மதுரை, செப். 10:

இதுகுறித்து மதுரை மாநகராட்சி வெளியிட்ட செய்திக் குறிப்பு: தமிழ்நாடு நடைபாதை வியாபாரிகள் வாழ்வாதார பாதுகாப்பு விற்பனையை ஒழுங்குபடுத்துதல் சட்டம் 2014 பிரிவு 38 (1), விதிகள் 2015-இன் கீழ் நகர விற்பனைக் குழுத் தேர்தல் வருகிற 29-ஆம் தேதி நடைபெறுகிறது. இதில் பட்டியலித்தவர், மகளிர், மாற்றுத்திறனாளி கள், சிறுபான்மையினர், பிற்படுத்தப்பட்டோர், பிற வகுப்பினர் என 6 பிரிவுகளின் கீழ் தலா ஓர் உறுப்பினர் தேர்ந்தெடுக்கப்படுவர்.

போட்டியிட விரும்புவோர் வைப்புத் தொகையாக ரூ. 2 ஆயிரத்துக்கு 'ஆணையர், மதுரை மாநகராட்சி' என்ற பெயரில் வங்கி வரைவோலையுடன், வருகிற 15-ஆம் தேதி முதல் 18-ஆம் தேதிக்குள் வேட்பு மனு தாக்கல் செய்யலாம். வேட்பு மனு தாக்கலுக்கான நேரம் காலை 11 மணி முதல் பிற்பகல் 3 மணி வரை.