விளாச்சேரியில் நவராத்திரி கொலு பொம்மைகள் தயாரிக்கும் பணி மும்முரம்

நவராத்திரி விழாவையொட்டி திருப்பரங்குன்றத்தை அடுத்த விளாச்சேரியில் நவராத்திரி கொலு பொம்மைகள் தயாரிக்கும் பணி மும்முரமாக நடைபெற்று வருகிறது.

- நமது நிருபர்

திருப்பரங்குன்றம், செப். 3:

விளாச்சேரி கிராமத்தில் 200-க்கும் மேற்பட்ட குடும்பங்கள் பொம்மை தயாரிக்கும் தொழிலில் ஈடுபட்டு வருகின்றன. இவர்கள் விநாயகர் சதுர்த்தி, கிருஷ்ண ஜெயந்தி, நவராத்திரி விழா, கிறிஸ்துமஸ் குடில் பொம்மைகளை அந்தந்த விழாக்களின் போது தயாரித்து விற்கின்றனர். இங்கு தயாரிக்கப்படும் பொம்மைகள் மதுரை மாவட்டம் மட்டுமன்றி, தமிழகத்தின் பல்வேறு பகுதிகளுக்கும், கர்நாடகம், கேரளம், ஆந்திரம் உள்ளிட்ட வெளிமாநிலங்களுக்கும் அனுப்பப்படுகின்றன.