அல்கராஸ், பாலினி முன்னேற்றம்

அமெரிக்காவில் நடைபெறும் சின்சினாட்டி ஓபன் டென்னிஸ் போட்டியில் ஸ்பெயினின் கார்லோஸ் அல்கராஸ், இத்தாலியின் ஜாஸ்மின் பாலினி ஆகியோர் காலிறுதிக்கு முந்தைய சுற்றுக்கு முன்னேறினர்.

- 

சின்சினாட்டி, ஆக. 13:

ஆடவர் ஒற்றையர் 3-ஆவது சுற்றில், 5 முறை கிராண்ட்ஸ்லாம் சாம்பியனும், உலகின் 2-ஆம் நிலை வீரருமான அல்கராஸ் 6-4, 6-4 என்ற நேர் செட்களில் எளிதாக, செர்பியாவின் ஹமத் மெட்ஜெடோவிச்சை வெளியேற்றினார். நடப்பு சீசனில் இது அவரின் 50-ஆவது வெற்றியாகும். மாஸ்டர்ஸ் போட்டிகளில் இது அவரின் 13-ஆவது தொடர் வெற்றி.

14-ஆம் இடத்திலிருக்கும் ரஷ்யாவின் காரென் கச்சனோவ் 6-3, 6-3 என்ற கணக்கில், அமெரிக்காவின் ஜென்சன் புரூக்ஸ்பியை தோற்கடித்தார்.