ஊரக வேலை உறுதியளிப்புத் திட்டத்தின் கீழ் மேற்கு வங்கத்துக்கு ரூ.3,000 கோடி நிலுவை

மாநிலங்களவையில் மத்திய அரசு தகவல்

- 

புது தில்லி, ஆக. 1: மகாத்மா காந்தி தேசிய ஊரக வேலைவாய்ப்பு உறுதியளிப்பு திட்டத்தின் கீழ் மேற்கு வங்க அரசுக்கு மத்திய அரசு வழங்க வேண்டிய நிலுவைத் தொகையின் மதிப்பு ரூ.3,038 கோடி என்று மாநிலங்களவையில் தெரிவிக்கப்பட்டது.

இத்திட்டத்தின் கீழ் பல்வேறு மாநிலங்களுக்கு மத்திய அரசு வழங்க வேண்டிய நிலுவைத் தொகை தொடர்பாக மாநிலங்களவையில் திரிணமூல் காங்கிரஸ் எம்.பி. பிரகாஷ் சிக் பாரிக் கேள்வி எழுப்பினார். அதற்கு மத்திய ஊரக வளர்ச்சித் துறை இணை அமைச்சர் கமலேஷ் பாஸ்வான் பதிலளித்து வெள்ளிக்கிழமை கூறியதாவது: