பஹல்காம் தாக்குதல் குறித்து ஐ.நா. அறிக்கை: பாகிஸ்தானின் சதி அம்பலம்

பஹல்காம் தாக்குதலில் 'தி ரெசிஸ்டன்ஸ் ஃபிரண்ட் (டிஆர்எஃப்)' பயங்கரவாத குழுவின் பங்கு மற்றும் 'லஷ்கர்-ஏ-தொய்பாவுடன்' அதன் தொடர்பு குறித்து ஐ.நா. பாதுகாப்பு கவுன்சில் அறிக்கையில் முதன்முறையாக குறிப்பிடப்பட்டுள்ளது.

- 

புது தில்லி, ஜூலை 30:

இதன்மூலம், இந்தியாவுக்கு எதிரான பாகிஸ்தானின் எல்லை தாண்டிய பயங்கரவாத சதி சர்வதேச அரங்கில் அம்பலப்பட்டிருப்பதாக மத்திய அரசு வட்டாரங்கள் தெரிவித்தன.

ஐ.நா. பாதுகாப்பு கவுன்சிலின் கண்காணிப்புக் குழு (எம்.டி.) வெளியிட்ட அறிக்கையில், 'ஜம்மு-காஷ்மீரின் பஹல்காமில் கடந்த ஏப். 22-ஆம் தேதி நடந்த பயங்கரவாதத் தாக்குதல், பாகிஸ்தானைச் சேர்ந்த லஷ்கர்-ஏ-தொய்பா பயங்கரவாத அமைப்பின் ஆதரவு இல்லாமல் நடந்திருக்க வாய்ப்பில்லை.

லஷ்கர்-ஏ-தொய்பாவிற்கும், தி ரெசிஸ்டன்ஸ் ஃபிரண்டிற்கும் தொடர்பு உள்ளது' என்று பெயர் குறிப்பிடாத ஓர் உறுப்பு நாடு தெரிவித்துள்ளது.