இராக்: ஆயுதங்களை ஒப்படைக்கும் குர்து கிளர்ச்சியாளர்கள்

துருக்கி அரசை எதிர்த்து சுமார் 40 ஆண்டுகளாக ஆயுதக் கிளர்ச்சியில் ஈடுபட்டு வந்த குர்திஸ்தான் தொழிலாளர் கட்சி (பிகேகே), வடக்கு இராக்கில் தங்கள் ஆயுதங்களை அதிகாரிகளிடம் ஒப்படைக்கவிருப்பதாக அறிவித்தது.

- 

இஸ்தான்புல், ஜூலை 3:

இதுகுறித்து அந்த அமைப்பு வியாழக்கிழமை வெளியிட்ட அறிக்கையில் தெரிவிக்கப்பட்டது:

வடக்கு இராக்கின் மலைப் பகுதிகளில் பதுங்கியிருக்கும் ஏராளமான குர்து கொரில்லா படையினர் அங்கிருந்து இறங்கிவந்து தங்கள் ஆயுதங்களுக்கு விடைகொடுப்பார்கள். அமைதி, ஜனநாயக அரசியல் மீதான தங்களின் ஈடுபாட்டைப் பறைசாற்றும் வகையில் அவர்கள் ஆயுதங்களை ஒப்படைப்பார்கள். வரும் 10-லிருந்து 12-ஆம் தேதிக்குள் இராக்கின் குர்து தன்னாட்சி பிரதேசம், சுலைமானியா நகரில் இதற்கான நிகழ்ச்சி நடைபெறும் என்று அந்த அறிக்கையில் தெரிவிக்கப்பட்டது.