மதுரை தனியார் அடுக்குமாடி குடியிருப்பு வளாக கோயிலை இடிக்க உயர்நீதிமன்றக் கிளை பிறப்பித்த உத்தரவுக்குத் தடை

மதுரையில் உள்ள விஸ்தாரா ரெசிடென்ஸி என்ற தனியார் அடுக்குமாடி குடியிருப்பு வளாகத்தின் திறந்த வெளி பகுதியில் அனுமதியின்றி கட்டப்பட்ட ஒரு கோயிலை இடிக்க உயர்நீதிமன்ற மதுரை கிளை பிறப்பித்த உத்தரவுக்கு உச்சநீதிமன்றம் தடை விதித்துள்ளது.

- நமது சிறப்பு நிருபர்

நமது சிறப்பு நிருபர் புது தில்லி, ஜூன் 20:

இது தொடர்பாக உச்சநீதிமன்றத்தில் விஸ்தாரா குடியிருப்போர் நலச் சங்கம் தாக்கல் செய்த மேல்முறையீட்டு மனுவை விடுமுறைக்கால சிறப்பு நீதிபதிகள் அமர்வு உஜ்ஜல் புயான், மன்மோகன் அடங்கிய அமர்வு வெள்ளிக்கிழமை விசாரித்தது.

அப்போது மனுதாரர் சார்பில் ஆஜரான மூத்த வழக்குரைஞர் தாமா சேஷாத்திரி நாயுடு, 'இந்த விவகாரத்தில் சம்பந்தப்பட்ட குடியிருப்போர் நலச் சங்கத்தினரின் கருத்துகளைக் கேட்காமலேயே கோயிலை இடிக்க உத்தரவு பிறப்பிக்கப்பட்டுள்ளது. குறைந்தபட்சம் அதற்கு ஒரு வாய்ப்புக் கூட வழங்கப்படவில்லை' என்று வாதிட்டார்.