நீதிபதி யஷ்வந்த் வர்மா பதவி நீக்கத் தீர்மானம்: ஒருமித்த ஆதரவுக்கு கட்சிகளுடன் அரசு ஆலோசனை

வீட்டில் பணம் கண்டறியப்பட்ட குற்றச்சாட்டில் அலாகாபாத் உயர்நீதிமன்ற நீதிபதி யஷ்வந்த் வர்மாவைப் பதவியிலிருந்து நீக்கும் நாடாளுமன்றத் தீர்மானத்துக்கு ஒருமித்த ஆதரவை எட்ட அனைத்து கட்சிகளுடன் கலந்தாலோசித்து வருவதாக நாடாளுமன்ற விவகாரத் துறை அமைச்சர் கிரண் ரிஜிஜு கூறினார்.

- 

புது தில்லி, ஜூன் 4:

இந்த விவகாரம் தொடர்பாக செய்தியாளர்களின் கேள்விக்கு பதிலளித்து மத்திய அமைச்சர் கிரண் ரிஜிஜு கூறியதாவது: நீதிபதி யஷ்வந்த் வர்மாவுக்கு எதிரான தீர்மானத்தைக் கொண்டு அனைத்து அரசியல் கட்சிகளுடனும் ஏற்கெனவே கலந்தாலோசனையைத் தொடங்கிவிட்டோம். தீர்மானம் குறித்து முக்கியக் கட்சிகளுக்கு ஏற்கெனவே தெரிவிக்கப்பட்டுள்ள நிலையில், சிறிய கட்சிகளுடனும் தற்போது விவாதித்து வருகிறோம்.

ஊழலுக்கு எதிராக கூட்டு முயற்சி: ஊழல் தொடர்பான விஷயம் என்பதால், இத்தீர்மானம் ஒரு அரசியல் கட்சியின் பின் முன்னெடுப்பாக இருக்கக் கூடாது என்று கருதுகிறோம். தீர்மானத்தை அனைத்து கட்சிகளும் கூட்டாக முன்மொழிய வேண்டும் என்று அரசு விரும்புகிறது.