ஹைதராபாத் கட்டடத்தில் தீ: 8 குழந்தைகள் உள்பட 17 பேர் உயிரிழப்பு

தெலங்கானா தலைநகர் ஹைதராபாதில் வரலாற்றுச் சிறப்புமிக்க சார்மினார் அருகே உள்ள இரண்டு மாடி கட்டடத்தில் ஞாயிற்றுக்கிழமை ஏற்பட்ட தீ விபத்தில் 8 குழந்தைகள் உள்பட 17 பேர் உயிரிழந்தனர்.

- 

ஹைதராபாத், மே 18:

இது தொடர்பாக காவல் துறை யினர் கூறியதாவது:

தீ விபத்துக்குள்ளான கட்டடம், ஹைதராபாத் குல்ஸார்ஹௌஸ் பகுதியில் சிறிய சந்துக்குள் உள்ளதாகும். நூற்றாண்டு பழைமையான இக்கட்டடத்தின் தரை தளத்தில் நகைக் கடைகள் செயல்பட்டு வந்தன. முதல் மற்றும் இரண்டாவது மாடிகளில் உள்ள குடியிருப்பு களில் 4 குடும்பங்கள் வசித்தன. இக்குடும்பத்தினர் ஒருவருக்கொருவர் உறவினர்கள் ஆவர். கோடை விடு முறையையொட்டி வேறு உறவினர்களும் வந்திருந்தனர்.

ஞாயிற்றுக்கிழமை காலை 6 மணி யளவில் கட்டடத்தில் தீ விபத்து ஏற்பட்டுள்ளது. அப்போது, மொத்தம் 21 பேர் இருந்துள்ளனர். தரை தளத்தில் பற்றிய தீ, மேல் தளங்களுக்கும் பரவியது.