உக்ரைன் நகரில் ரஷியா ஏவுகணைத் தாக்குதல்

32 பேர் உயிரிழப்பு

- 

கீவ், ஏப். 13: உக்ரைனின் சுமி நகரத்தின் மீது ரஷியா ஞாயிற்றுக்கிழமை நடத்திய ஏவுகணைத் தாக்குதலில் பொதுமக்கள் 32 பேர் உயிரிழந்ததாக உக்ரைன் நாட்டு அதிகாரிகள் தெரிவித்தனர்.

அவர்கள் மேலும் கூறுகையில், 'குருத்தோலை ஞாயிறு கொண்டாட்டத்துக்காக நகரின் மையப் பகுதியில் மக்கள் கூடியிருந்தபோது காலை 10 மணியளவில் ரஷியா 2 ஏவுகணைகளை ஏவி தாக்குதல் நடத்தியது.

இதில் பொதுமக்கள் 32 பேர் கொல்லப்பட்டனர். இடிபாடுகளுக்கு மத்தியில் இறந்தவர்களின் உடல்கள் சிக்கியுள்ளன. மேலும், 11 குழந்தைகள் உள்பட சுமார் 99 பேர் இந்தத் தாக்குதலில் காயமடைந்தனர்' என்றனர்.