குடியரசுத் தலைவர் விளக்கம் கேட்ட வழக்கில் நவ. 21-க்குள் தீர்ப்பு

மசோதாக்கள் மீது முடிவெடுக்க காலக்கெடு விதிக்கப்பட்டது தொடர்பாக குடியரசுத் தலைவர் விளக்கம் கேட்ட வழக்கில் 4 வாரங்களுக்குள் தீர்ப்பு வழங்கப்படும் என உச்சநீதிமன்றத் தலைமை நீதிபதி பி.ஆர். கவாய் தெரிவித்தார்.

- நமது நிருபர்

ஆளுநருக்கு எதிராக தமிழக அரசு தாக்கல் செய்த இரண்டு மனுக்கள் மீதான விசாரணையின்போது வெள்ளிக்கிழமை இதை அவர் தெரிவித்தார்.

கும்பகோணத்தில் கலைஞர் பல்கலைக்கழகம் அமைக்க தமிழக அரசு முடிவு செய்து, அதற்கான சட்ட மசோதா கடந்த ஏப்ரல் மாதம் சட்டப்பேரவையில் நிறைவேற்றப்பட்டது. இந்தப் பல்கலைக்கழகத்தின் வேந்தராக தமிழக முதல்வராக இருப்பார் என்றும் இணைவேந்தராக உயர் கல்வித் துறை அமைச்சர் செயல்படுவார் என்றும் மேலும் தேடுதல் குழு வாயிலாக துணைவேந்தர் நியமனம் செய்யப்படுவார் என்றும் மசோதாவில் குறிப்பிடப்பட்டுள்ளது.

இந்த மசோதா நிறைவேற்றப்பட்டு ஆளுநர் ஒப்புதலுக்காக அனுப்பி வைக்கப்பட்டது. ஆனால், ஆளுநர் ஆர்.என். ரவி இந்த மசோதாவை குடியரசுத் தலைவர் முடிவுக்காக அனுப்பி வைத்தார்.