சோனியா வாக்காளர் பட்டியல் வழக்கு: தில்லி நீதிமன்றத் தீர்ப்பு ஒத்திவைப்பு

இந்திய குடியுரிமையைப் பெறுவதற்கு முன்பே போலி ஆவணங்கள் மூலம், வாக்காளர் பட்டியலில் காங்கிரஸ் முன்னாள் தலைவர் சோனியா காந்தியின் பெயர் இடம்பெற்றதாக தொடுக்கப்பட்ட வழக்கில், தில்லி நீதிமன்றம் தீர்ப்பை ஒத்தி வைத்தது.

- 

புது தில்லி, செப்.10:

தில்லி நீதிமன்றத்தில் விகாஸ் திரிபாதி என்பவர் தாக்கல் செய்த மனுவில், 'கடந்த 1983-ஆம் ஆண்டு சோனியா காந்தி இந்திய பிரஜையானார்.

ஆனால் அவர் இந்திய குடியுரிமையைப் பெறுவதற்கு முன்பே, 1980-ஆம் ஆண்டு வாக்காளர் பட்டியலில் அவரின் பெயர் இருந்தது.

இது குறித்து காவல் துறை விசாரணை நடத்தி வழக்குப் பதிவு செய்ய உத்தரவிட வேண்டும்' என்று கோரப்பட்டது.