மழை - வெள்ளத்தில் தத்தளிக்கும் ஜம்மு-காஷ்மீர்

வீடு இடிந்து இருவர் உயிரிழப்பு; இயல்பு வாழ்க்கை முடக்கம்

- 

ஜம்மு/ஸ்ரீநகர், செப். 3: ஜம்மு-காஷ்மீரில் பரவலாக பலத்த மழை தொடர்வதால், பல்வேறு பகுதிகள் வெள்ளக்காடாக மாறியுள்ளன.

நிலச்சரிவுகள் காரணமாக, ஸ்ரீநகர்-ஜம்மு தேசிய நெடுஞ்சாலை, ஜம்மு-ஸ்ரீநகர்-லே தேசிய நெடுஞ்சாலை, ஜம்மு-கிஷ்த்வார் தேசிய நெடுஞ்சாலை உள்பட பல்வேறு முக்கிய சாலைகள் மூடப்பட்டுள்ளன. இதனால், 2,000-க்கும் மேற்பட்ட வாகனங்கள் ஆங்காங்கே நிறுத்தப்பட்டுள்ளன.

தாவி, ஜீலம், செனாப் உள்ளிட்ட ஆறுகளில் வெள்ளப்பெருக்கு ஏற்பட்டு, தாழ்வான பகுதிகளை தண்ணீர் சூழ்ந்துள்ளது. பல்வேறு கிராமங்களுக்கு போக்குவரத்து துண்டிக்கப்பட்டுள்ளது.

மோசமான வானிலையால், கல்வி நிலையங்கள் தொடர்ந்து மூடப்பட்டுள்ளன; பல்கலைக்கழகத் தேர்வுகள் ஒத்திவைக்கப்பட்டுள்ளன.