அமெரிக்க கூடுதல் வரி விதிப்பால் திரும்பும் கடல் உணவுகள்

அமெரிக்கா விதித்த 50 சதவீத இறக்குமதி வரி விதிப்பு காரணமாக, அங்கு அனுப்பப்பட்ட கடல் உணவுகள் திருப்பியனுப்பப்படும் சூழல் ஏற்பட்டுள்ளதால், தொழிலாளர்களும் ஏற்றுமதியாளர்களும் பாதிக்கப்படும் அபாயம் ஏற்பட்டுள்ளது.

- நமது நிருபர்

நமது நிருபர் தூத்துக்குடி, ஆக. 31:

அமெரிக்க அதிபராக டிரம்ப் மீண்டும் பொறுப்பேற்ற பிறகு பிற நாடுகளிலிருந்து அமெரிக்காவில் இறக்குமதியாகும் பொருள்கள் மீது கூடுதல் வரி விதித்து வருகிறார். அவ்வகையில், இந்திய பொருள்கள் மீது 50 சதவீத வரி விதிக்கப்பட்டு கடந்த புதன்கிழமை (ஆக. 27) அமலுக்கு வந்தது. இதனால், இறால் மீதான 8.5 சதவீத வரி 58.5 சதவீதமாக உயர்த்தப்பட்டுள்ளது. கணவாய், நண்டு, ஆக்டோபஸ் போன்ற கடல் உணவுகளுக்கு வரியில்லாமலிருந்த நிலை மாறி, தற்போது 50 சதவீத வரி விதிக்கப்பட்டுள்ளது. இதனால், அமெரிக்காவுக்கு ஏற்றுமதியாகும் கடல் உணவுகள், ஜவுளி, ஆயத்த ஆடைகள், இயந்திர தயாரிப்பு உள்ளிட்ட பல்வேறு துறைகளிலும் உற்பத்தி பாதிக்கப்பட்டுள்ளது.