கிராமத்துக்குள் நுழைந்த காட்டு யானை தாக்கியதில் முதியவர் காயம்

பொதுமக்கள் சாலை மறியல்

- 

மதுக்கரை, ஆக. 30: கோவை அருகே காட்டு யானை தாக்கியதில் முதியவர் பலத்த காயமடைந்தார். குடியிருப்புப் பகுதிகளில் உலவும் யானைகளைக் கட்டுப்படுத்தக் கோரி பொதுமக்கள் சாலை மறியலில் ஈடுபட்டனர்.

கோவை மாவட்டம், தொண்டாமுத்தூர், நரசீபுரம், ஆலாந்துறை, தீத்திபாளையம், மருதமலை உள்ளிட்ட பகுதிகளை ஒட்டியுள்ள வனத்தில் இருந்து இரவு நேரங்களில் வெளியேறும் யானைகள், குடியிருப்புப் பகுதிகள், விளைநிலங்களில் நுழைந்து பல்வேறு சேதங்களை ஏற்படுத்துவது வாடிக்கையாகி வருகிறது.