துணிவுடன் தொழில்முனைவோம்...

பேராசிரியர் தி. ஜெயராஜசேகர்

- பேராசிரியர் தி. ஜெயராஜசேகர்

இந்திய வர்த்தக மற்றும் தொழில் துறை அமைச்சகத்தின்கீழ் செயல்படும் தொழில் மற்றும் உள்நாட்டு வர்த்தக முன்னேற்றத் துறையில் பதிவு செய்யப்பட்ட தமிழ்நாட்டு புத்தொழில் நிறுவனங்களின் எண்ணிக்கை 2025-ஆம் ஆண்டு ஜனவரி மாதம் வரை 10,814 என்றும், கடந்த 5 ஆண்டுகளில் இந்தப் புத்தொழில் நிறுவனங்கள் 94,500 நேரடி வேலைவாய்ப்புகளை உருவாக்கியுள்ளன என்றும் தரவுகள் கூறுகின்றன.

இந்திய நாடாளுமன்ற தரவுகளின் படி, தமிழகத்தில் பதிவு செய்யப்பட்ட புத்தொழில் நிறுவனங்களில் 55% நிறுவனங்கள் மட்டுமே செயல்படுகின்றன.

வாடிக்கையாளரின் தேவையைக் கருதாமல் போதிய சந்தை ஆய்வின்றி உருவாக்கப்படும் புத்தொழிலின் பொருந்தா சேவை, வணிக வளர்ச்சி பற்றிய அறிவு, நிதி திட்டமிடல், தலைமைத்துவம் போன்ற தொழில்முனைவுத் திறன் குறைபாடு, தொழிலாளர் நலச் சட்டங்கள் உள்ளிட்ட சட்ட விதிமுறைகள் மற்றும் நிர்வாகச் சிக்கல்களைக் கையாளுவதில் ஏற்படும் தயக்கம் போன்றவை பதிவு செய்யப்பட்ட புத்தொழில் நிறுவனங்களில் 45% நிறுவனங்கள் செயல்படாமல் போனதற்கான காரணங்களாக வல்லுநர்கள் கூறுகின்றனர்.

பதிவு செய்யப்பட்ட புத்தொழில் நிறுவனங்களில் பெரும்பாலானவை உய்வு நிலையில் (சர்வைவல் மோட்) இருப்பதாக ஸ்டார்ட்அப்-டி என்தரவுகூறுகிறது. வளர்ச்சிக்கான திட்டமின்மையும் வெளிநாட்டு நிதி, இடர்மிகு புத்தொழில் முதலீடு பெறுவதில் உள்ள தயக்கம் ஏற்படுத்தும் பணப்புழக்க சிக்கல்களும் உய்வு நிலைக்கு காரணமாக அமைகின்றன.