அல்கராஸ், கௌஃப் முன்னேற்றம்

அமெரிக்காவில் நடைபெறும் 1000 புள்ளிகள் கொண்ட சின்சினாட்டி ஓபன் டென்னிஸ் போட்டியில், முன்னணி வீரரான ஸ்பெயினின் கார்லோஸ் அல்கராஸ், அமெரிக்க வீராங்கனை கோகோ கௌஃப் ஆகியோர் 2-ஆவது சுற்றுக்கு திங்கள்கிழமை முன்னேறினர்.

- 

சின்சினாட்டி, ஆக. 11:

ஆடவர் ஒற்றையர் முதல் சுற்றில், 5 முறை கிராண்ட்ஸ்லாம் சாம்பியனான அல்கராஸ் 6-1, 2-6, 6-3 என்ற செட்களில், போஸ்னியாவின் டாமிர் ஜும்ஹுரை வீழ்த்தினார். 2-ஆவது சுற்றில் அவர், செர்பியாவின் ஹமத் மெட்ஜெடோவிச்சை எதிர்கொள்கிறார்.

முன்னதாக மெட்ஜெடோவிச் தனது முதல் சுற்றில், 6-4, 7-6 (7/3) என்ற கணக்கில், 26-ஆம் இடத்திலிருந்த நெதர்லாந்தின் டாலன் கிரீக்ஸ்பூரை வெளியேற்றினார். 3-ஆம் இடத்திலிருக்கும் ஜெர்மனியின் அலெக்ஸாண்டர் ஸ்வெரெவ் 6-3, 6-3 என்ற நேர் செட்களில், அமெரிக்காவின் நிஷேஷ் பசவரெட்டியை வீழ்த்தினார்.