இலங்கை கடற்படையினரால் 14 தமிழக மீனவர்கள் கைது

ராமேசுவரம், பாம்பன் மீனவர்கள் 14 பேர் இலங்கை கடற்படையினரால் திங்கள்கிழமை நள்ளிரவு கைது செய்யப்பட்டனர். 2 விசைப் படகுகள் பறிமுதல் செய்யப்பட்டன.

- 

ராமேசுவரம், ஜூலை 29:

ராமநாதபுரம் மாவட்டம், ராமேசுவரம் துறைமுகத்திலிருந்து திங்கள்கிழமை 300 விசைப் படகுகளில் 1,800-க்கும் மேற்பட்ட மீனவர்கள் மீன்வளத் துறை அனுமதி பெற்று கடலுக்குள் மீன்பிடிக்கச் சென்றனர்.

கச்சத்தீவு-மன்னார் இடையே நள்ளிரவு மீன்பிடித்துக் கொண்டிருந்த போது, அங்கு 5 ரோந்துப் படகுகளில் வந்த இலங்கை கடற்படையினர் மீனவர்கள் மீது தாக்குதல் நடத்தி மீன்பிடிக்க விடாமல் விரட்டியடித்தனர்.