நகைக் கடையில் 12 கிலோ வெள்ளிப் பொருள்கள் கொள்ளை

திருவண்ணாமலை மாவட்டம், ஆரணியை அடுத்த இராட்டிணமங்கலத்தில் தனியார் நகைக் கடையில் மேற்கூரை வழியே உள்ளே புகுந்து 12 கிலோ வெள்ளிப் பொருள்களை கொள்ளையடித்துச் சென்ற மர்ம நபர்களை போலீஸார் தேடி வருகின்றனர்.

- 

ஆரணி, ஜூலை 26:

இராட்டிணமங்கலம் இ.பி.நகர் பகுதியில், போளூர் ஊராட்சி ஒன்றியக் குழு முன்னாள் தலைவர் சாந்தி பெருமாளுக்குச் சொந்தமான நகைக் கடை உள்ளது.

வழக்கம்போல, வெள்ளிக்கிழமை இரவு தொழிலாளர்கள் கடையை பூட்டிவிட்டுச் சென்றனர். சனிக்கிழமை காலை 9.35 மணியளவில் கடையை திறப்பதற்காக அவர்கள் வந்தனர். அப்போது, கடையின் உள்பகுதி ரேக்கில் இருந்த வெள்ளிப் பொருள்கள் கொள்ளை போயிருப்பதைக் கண்டு அதிர்ச்சியடைந்தனர். மேலும், கடையின் ஒரு பகுதியில் இருந்த மரக்கதவும் உடைக்கப்பட்டிருந்தது.