பூமிக்குப் புறப்பட்டார் சுபான்ஷு சுக்லா!

இந்திய விண்வெளி வீரர் சுபான்ஷு சுக்லா மற்றும் ஆக்ஸியம்-4 விண்வெளி திட்டத்தின் மற்ற 3 விண்வெளி வீரர்கள், சர்வதேச விண்வெளி நிலையத்தில் 18 நாட்கள் தங்கியிருந்த பிறகு 'டிராகன் கிரேஸ்' விண்கலத்தில் பூமிக்குத் திரும்பும் பயணத்தை திங்கள்கிழமை தொடங்கினர்.

- 

புது தில்லி, ஜூலை 14:

முதலில் திட்டமிடப்பட்டதைவிட 10 நிமிடங்கள் தாமதமாக 'டிராகன் கிரேஸ்' விண்கலம் மாலை 4:45 மணிக்கு (இந்திய நேரப்படி) சர்வதேச விண்வெளி நிலையத்திலிருந்து பிரிந்து, பூமியை நோக்கிப் புறப்பட்டது.

வீரர்கள் சுமார் 22.5 மணி நேர பயணத்துக்குப் பிறகு அமெரிக்காவின் கலிஃபோர்னியா அருகே கடல்பகுதியில் பாராசூட் உதவியுடன் செவ்வாய்கிழமை பிற்பகலில் தரையிறங்குவர்.