சட்டம் - ஒழுங்கை சரிசெய்ய வேண்டும்

தமிழகம் முழுவதும் சட்டம்-ஒழுங்கை சரி செய்ய வேண்டும் என்று முதல்வர் மு.க.ஸ்டாலினை தமிழக வெற்றிக் கழகத்தின் தலைவர் விஜய் வலியுறுத்தினார்.

- 

சென்னை, ஜூலை 13:

சிவகங்கை மாவட்டம், மடப்புரம் கோயில் காவலாளி அஜித்குமாரின் மரணத்துக்கு நீதி கேட்டு தவ்ஹீத் சார்பில் சென்னை சிவானந்தா சாலையில் ஞாயிற்றுக்கிழமை கண்டன ஆர்ப்பாட்டம் நடைபெற்றது.

கட்சி தொடங்கிய பின்னர் முதல்முறையாக ஆர்ப்பாட்டத்தில் பங்கேற்ற விஜய் பேசியது: கோயில் காவலாளி அஜித்குமார் எளிய குடும்பத்தைச் சேர்ந்தவர். அந்தக் குடும்பத்துக்கு நிகழ்ந்த இந்தக் கொடுமைக்கு முதல்வர் மு.க.ஸ்டாலின் 'சாரி' (மன்னிப்பு) கூறியுள்ளார். அது தவறில்லை. ஆனால், தமிழகத்தில் திமுக ஆட்சி அமைத்த பின்னர் கடந்த 4 ஆண்டுகளில் 24 பேர் காவல் நிலைய விசாரணையின்போது உயிரிழந்துள்ளனர்.