கர்நாடகத்தில் உள் ஒதுக்கீட்டுக்காக பட்டியலின ஜாதிகள் கணக்கெடுப்பு

கர்நாடகத்தில் உள் இடஒதுக்கீட்டை அமல்படுத்துவதற்காக பட்டியலினத்தோர் (எஸ்.சி.) பட்டியலில் உள்ள ஜாதிகள் கணக்கெடுப்பு தொடங்கப்பட்டுள்ளது; இப்பணி மூன்று கட்டங்களாக நடைபெறும் என்று முதல்வர் சித்தராமையா தெரிவித்தார்.

- 

பெங்களூரு, மே 5:

இதுகுறித்து பெங்களூரு விதானசௌதாவில் திங்கள்கிழமை அவர் செய்தியாளர்களிடம் கூறியது: பஞ்சாப் மாநில அரசு, தேவேந்தர்சிங் மற்றும் பிற வழக்குகளை விசாரித்த உச்சநீதிமன்றம், பட்டியலினத்தோருக்கான இட ஒதுக்கீட்டில் உள் ஒதுக்கீடு வழங்கலாம் என்றும், அதை உரிய தரவுகளின் அடிப்படையில் மாநில அரசு வழங்கலாம் என்றும் 2024 ஆக.1 ஆம் தேதி தீர்ப்பளித்தது.