அதிமுகவுக்கு அமைச்சர் பதவி வழங்குவது ஜனநாயக நெறிமுறைகளுக்கு எதிரானது

நம்பிக்கை வாக்கெடுப்பில் தவெகவுக்கு ஆதரவு அளித்த அதிமுக எம்எல்ஏக்களுக்கு அமைச்சர் பதவி வழங்குவது அரசமைப்பு மற்றும் ஜனநாயக நெறிமுறைகளுக்கு எதிரானது என விசிக மக்களவை உறுப்பினர் ரவிக்குமார் தெரிவித்துள்ளார்.

- ரவிக்குமார் எம்.பி.

ரவிக்குமார் எம்.பி.

இதுகுறித்து அவர் தனது எக்ஸ் தளத்தில் வெளியிட்ட பதிவு: சமீபத்தில் நடைபெற்ற நம்பிக்கை வாக்கெடுப்பில், அதிமுகவிலிருந்து பிரிந்து சென்ற 25 எம்எல்ஏக்களைக் கொண்ட ஒரு குழு, தவெக அரசுக்கு ஆதரவாக வாக்களித்தது.

இத்தகைய செயல்பாடு, தகுதி நீக்கத்துக்கு வழிவகுக்குமா என்பது அரசமைப்புச் சட்டம் சார்ந்த கேள்வி. மேலும், அவர்களில் சிலரை அமைச்சர்களாக நியமிப்பது குறித்து முதல்வர் பரிசீலித்து வருவதாகச் செய்திகள் வருகின்றன. இத்தகைய நியமனங்கள் சட்டரீதியாக அனுமதிக்கத் தக்கவையா என்பது மற்றொரு முக்கியமான கேள்வியாகும்.