மேற்கு வங்கம்: வன்முறை பாதித்த பகுதியில் ஆளுநர், தேசிய மகளிர் ஆணையக் குழு ஆய்வு

மேற்கு வங்க மாநிலத்தில் வக்ஃப் திருத்தச் சட்டத்துக்கு எதிராக நடைபெற்ற போராட்டம் மற்றும் வன்முறையால் பாதிக்கப்பட்ட முர்ஷிதாபாத் மாவட்டத்தில் மாநில ஆளுநர் சி.வி.ஆனந்தபோஸ் மற்றும் தேசிய மகளிர் ஆணையக் குழுவினர் சனிக்கிழமை ஆய்வு செய்தனர்.

- 

கொல்கத்தா, ஏப்.19: மேற்கு வங்க மாநிலத்தில் வக்ஃப் திருத்தச் சட்டத்துக்கு எதிராக நடைபெற்ற போராட்டம் மற்றும் வன்முறையால் பாதிக்கப்பட்ட முர்ஷிதாபாத் மாவட்டத்தில் மாநில ஆளுநர் சி.வி.ஆனந்தபோஸ் மற்றும் தேசிய மகளிர் ஆணையக் குழுவினர் சனிக்கிழமை ஆய்வு செய்தனர்.

வன்முறையால் பாதிக்கப்பட்ட பகுதிகளில் உள்ள மக்களைச் சந்தித்த அவர்கள், 'வரும் காலங்களில் அவர்களின் பாதுகாப்பை உறுதிப்படுத்த தேவையான அனைத்து நடவடிக்கைகளையும் மத்திய அரசு எடுக்கும்' என்று உறுதி தெரிவித்தனர்.

இவர்களின் ஆய்வின்போது, 'மாநில அரசின் உதவிகள் எங்களுக்கு வேண்டாம்; பாதுகாப்பை உறுதிப்படுத்த எல்லை பாதுகாப்புப் படை (பிஎஸ்எஃப்) முகாம்கள் தான் வேண்டும்; நாங்கள் தாக்கப்படுகிறோம்' என்பன உள்ளிட்ட வாசகங்கள் அடங்கிய பதாகைகளை மக்கள் காண்பித்தனர்.

ஆளுநர் ஆய்வு: மாநில ஆளுநர் சி.வி.ஆனந்தபோஸ் முர்ஷிதாபாத் மாவட்டத்தில் வன்முறையால் பாதிக்கப்பட்ட பகுதிகளில் சனிக்கிழமை ஆய்வு மேற்கொண்டார்.