தில்லி நீதிபதிக்கு எதிரான விசாரணை தீவிரம்

வீட்டில் கட்டுக்கட்டாக பணம் கண்டறியப்பட்ட விவகாரம்

- 

புது தில்லி, மார்ச் 23: தில்லி உயர்நீதிமன்ற நீதிபதி யஷ்வந்த் வர்மா வீட்டில் கட்டுக்கட்டாக பணம் கண்டறியப்பட்ட விவகாரத்தில், அவருக்கு எதிரான விசாரணை முக்கியமான இரண்டாம் கட்டத்தை எட்டியுள்ளது.

கடந்த மார்ச் 14-ஆம் தேதி தில்லி உயர்நீதிமன்ற நீதிபதி யஷ்வந்த் வர்மாவின் அதிகாரபூர்வ இல்லத்தில் ஓர் அறையில் தீ விபத்து ஏற்பட்டது. அங்கு தீயணைப்பு வீரர்கள் தீயை அணைத்தபோது பாதி எரிந்த 4 முதல் 5 மூட்டைகளில், கட்டுக்கட்டாக பணம் இருந்தது கண்டறியப்பட்ட தகவல் அண்மையில் வெளியானது.

இந்த விவகாரம் தொடர்பாக விசாரணை மேற்கொள்ள உயர்நீதிமன்றத் தலைமை நீதிபதி தேவேந்திர குமார் உபாத்யாயவை உச்சநீதிமன்றத் தலைமை நீதிபதி சஞ்சீவ் கன்னா நியமித்தார்.