குற்ற வழக்குகளில் சாட்சிகளாக உள்ள குழந்தைகள்: உளவியல் சிகிச்சை விதிமுறை வகுக்க குழு அமைப்பு

குற்ற வழக்குகளில் சாட்சிகளாக உள்ள குழந்தைகள் நலன் மற்றும் உளவியல் சிகிச்சை வழங்குவதற்கு என்ன விதிமுறைகளை உருவாக்கலாம் என்பதை முடிவு செய்ய குழு அமைக்க முடிவு செய்யப்பட்டுள்ளதாக சென்னை உயர்நீதிமன்றத்தில் தமிழக அரசு தெரிவித்தது.

- 

சென்னை, ஆக. 23:

கோவையில் தனது சகோதரியை கொடூரமாக கொலை செய்த வழக்கில் ஆயுள் தண்டனை பெற்றவர், அதை எதிர்த்து சென்னை உயர்நீதிமன்றத்தில் மேல்முறையீடு செய்தார். இந்த வழக்கு விசாரணையின்போது, போக்ஸோ வழக்கில் பாதிக்கப்படும் சிறுமிகளுக்கு உளவியல் சிகிச்சை அளிக்கப்படுவதுபோல, கொடூர குற்றச் சம்பவங்களை நேரில் பார்க்கும் குழந்தைகளுக்கு உளவியல் சிகிச்சை அளிப்பது இல்லை என்று மனுதாரர் தரப்பில் ஆஜரான மூத்த வழக்குரைஞர் அபுடுகுமார் வாதிட்டிருந்தார்.

இந்த வழக்கை விசாரித்த உயர்நீதிமன்றம், தமிழகம் முழுவதும் குழந்தைகள் சாட்சியாக உள்ள குற்ற வழக்குகள் எத்தனை? என்பது உள்ளிட்ட கேள்விகளை எழுப்பி அரசுத் தரப்பில் அறிக்கை தாக்கல் செய்ய உத்தரவிட்டிருந்தது.