அடிப்படைக் கல்வியால் அறிவு, ஒழுக்கம் மேம்படும்

அமைச்சர் மகேஸ் பொய்யாமொழி

- 

ஈரோடு, ஆக. 4: அடிப்படைக் கல்வி சரியாக கிடைத்தால் மாணவர்களின் அறிவு மற்றும் ஒழுக்கம் மேம்படும் என பள்ளிக் கல்வித் துறை அமைச்சர் அன்பில் மகேஸ் பொய்யாமொழி தெரிவித்தார்.

தமிழக பள்ளிக் கல்வித் துறையில் தொடக்க கல்வி இடைநிலை ஆசிரியர்களாக 2,457 பேர் நியமனம் செய்யப்பட்டனர். இவர்களுக்கான புகுநிலை பயிற்சி மாநிலம் முழுவதும் திங்கள்கிழமை தொடங்கியது. இதில் ஈரோட்டில் புதிதாக நியமனம் செய்யப்பட்ட 106 இடைநிலை ஆசிரியர்களுக்கு கற்றல், கற்பித்தல் குறித்து 5 நாள்கள் பயிற்சி முகாம் தொடக்க நிகழ்வு ஈரோடு வேளாளர் மகளிர் கல்லூரி வளாகத்தில் திங்கள்கிழமை நடைபெற்றது.