தே.ஜ. கூட்டணி: ஓபிஎஸ் விலகல்

தேசிய ஜனநாயக கூட்டணியில் இருந்து விலகிவிட்டதாக முன்னாள் முதல்வர் ஓ.பன்னீர்செல்வம் தலைமையிலான அணி வியாழக்கிழமை அறிவித்தது.

- 

சென்னை, ஜூலை 31: தேசிய ஜனநாயக கூட்டணியில் இருந்து விலகிவிட்டதாக முன்னாள் முதல்வர் ஓ.பன்னீர்செல்வம் தலைமையிலான அணி வியாழக்கிழமை அறிவித்தது.

தேசிய ஜனநாயக கூட்டணியுடனான உறவு முறிந்துவிட்டதாகவும், இப்போது எந்தக் கூட்டணியிலும் இல்லை என்றும், தேர்தலின்போது யாருடன் கூட்டணி என்பதை அறிவிப்போம் என்றும் ஓ.பன்னீர்செல்வம் அணியின் ஆலோசகர் பண்ருட்டி ராமச்சந்திரன் தெரிவித்தார்.

அதிமுகவிலிருந்து வெளியேற்றப்பட்ட ஓ.பன்னீர்செல்வம், அதிமுகத் தொண்டர்கள் உரிமை மீட்புக்குழு என்ற அமைப்பை தொடங்கினார். கடந்த மக்களவைத் தேர்தலின்போது தேசிய ஜனநாயக கூட்டணியில் ராமநாதபுரம் தொகுதியில் சுயேச்சையாக போட்டி யிட்டு தோல்வியடைந்தார்.