971 கோயில்களின் ரூ.7,671 கோடி நிலங்கள் மீட்பு: தமிழக அரசு தகவல்

தமிழகத்தில் 971 கோயில்களுக்குச் சொந்தமான சுமார் ரூ.7,671 கோடி மதிப்பிலான நிலங்கள் மீட்கப்பட்டுள்ளதாக தமிழ்நாடு அரசு தெரிவித்துள்ளது.

- 

சென்னை, மே 23:

இந்து சமய அறநிலையத் துறை சார்பில் கடந்த 4 ஆண்டுகளில் மேற்கொள்ளப்பட்ட பணிகள் குறித்து தமிழக அரசு வெளியிட்ட செய்திக் குறிப்பு:

நீண்ட காலங்களுக்கு முன்பாக கொடை உள்ளம் கொண்டவர்கள் தங்களது சொத்துகளை கோயில்களுக்குக் கொடையாக வழங்கினர். அந்த நிலங்களில் பெரும் பகுதி தனியார் ஆக்கிரமிப்புகளில் இருந்து வருகின்றன. அவற்றுள் கடந்த 4 ஆண்டுகள் வரையிலான காலத்தில் 971 கோயில்களுக்குச் சொந்தமான ரூ. 7,671.23 கோடி மதிப்புடைய 7,560 ஏக்கர் நிலங்கள் மீட்கப்பட்டுள்ளன. கோயில்களுக்குச் சொந்தமான அசையா சொத்துகளிலிருந்து ரூ. 1,054.40 கோடி வருவாய் ஈட்டப்பட்டுள்ளது.