ராமேசுவரம் மீனவர்கள் காத்திருப்புப் போராட்டம்

இலங்கை சிறையில் உள்ள மீனவர்களையும், பறிமுதல் செய்யப்பட்ட விசைப் படகுகளையும் விடுவிக்க மத்திய, மாநில அரசுகள் உடனடி நடவடிக்கை எடுக்க வலியுறுத்தி, தங்கச்சிமடத்தில் ராமேசுவரம் மீனவர்கள், அவர்களது குடும்பத்தினர் சனிக்கிழமை காத்திருப்புப் போராட்டத்தில் ஈடுபட்டனர்.

- 

ராமேசுவரம், மார்ச் 1:

ராமநாதபுரம் மாவட்டம், ராமேசுவரத்திலிருந்து அண்மையில் கடலுக்குள் மீன் பிடிக்கச் சென்ற 42 மீனவர்களை இலங்கைக் கடற்படையினர் கைது செய்து சிறையில் அடைத்தனர். மேலும், 8 விசைப் படகுகளைப் பறிமுதல் செய்தனர்.

இதைக்கண்டித்தும், மீனவர்கள், விசைப் படகுகளை விடுவிக்க மத்திய, மாநில அரசுகள் நடவடிக்கை எடுக்க வலியுறுத்தியும் கடந்த 24-ஆம் தேதி காலவரையற்ற வேலைநிறுத்தப் போராட்டத்தை ராமேசுவரம் மீனவர்கள் தொடங்கினர்.

போராட்டத்தின் தொடர்ச்சியாக, தங்கச்சிமடம் வலசை பேருந்து நிறுத்தம் அருகே ராமேசுவரம் மீனவர்கள், அவர்களது குடும்பத்தினர் வெள்ளிக்கிழமை உண்ணாவிரதப் போராட்டத்தில் ஈடுபட்டனர்.