நாட்டின் பன்முகத்தன்மைக்கு சவால் விடும் பாஜக

முதல்வர் ஸ்டாலின்

- 

பொது சிவில் சட்டம் மூலம் நாட்டின் பன்முகத் தன்மைக்கு பாஜக சவால் விடுப்பதாக முதல்வர் மு.க. ஸ்டாலின் தெரிவித்தார்.

ராமநாதபுரம் மாவட்டம், பரமக்குடியில் ஞாயிற்றுக்கிழமை நடைபெற்ற திமுக, அதன் கூட்டணிக் கட்சிகளின் வேட்பாளர்கள் அறிமுகக் கூட்டத்தில் அவர் பேசியதாவது:

கன்னியாகுமரி முதல் சென்னை வரை அனைத்துப் பகுதிகளுக்கும் எண்ணற்ற சாதனைத் திட்டங்களை திமுக அரசு செயல்படுத்தியுள்ளது. அவற்றை நான் பட்டியலிட்டுப் பேசுகிறேன். ஆனால், அதிமுக பொதுச் செயலர் எடப்பாடி பழனிசாமி, பொது மேடைகளில் தரம் தாழ்ந்து பேசுகிறார். இதற்கு, நடைபெறவிருக்கும் பேரவைத் தேர்தல் மூலம் பொதுமக்கள் உரிய பாடம் புகட்டுவர்.

நாட்டுக்கு வழிகாட்டியாக விளங்கும் தமிழகத்தை வஞ்சிப்பதையே மத்திய பாஜக அரசு வழக்கமாக்கிக் கொண்டுள்ளது.