காவிரியில் வெள்ளம்: அதிகாரிகளுக்கு அமைச்சர் அறிவுறுத்தல்

மேட்டூர் அணையில் இருந்து 75,000 கன அடி நீர் திறப்பட்டுள்ளதால் வெள்ளத் தடுப்புப் பணிகளை மேற்கொள்ள அதிகாரிகளுக்கு அரசு அறிவுறுத்தி உள்ளதாக நீர்வளத் துறை அமைச்சர் துரைமுருகன் தெரிவித்துள்ளார்.

- 

சென்னை, ஜூலை 28:

இதுகுறித்து அமைச்சர் துரைமுருகன் ஞாயிற்றுக்கிழமை வெளியிட்ட அறிக்கை:

முதல்வர் மு.க.ஸ்டாலின் கடந்த ஜூன் 12-ஆம் தேதி மேட்டூர் அணையிலிருந்து டெல்டா பாசனத்துக்காக தண்ணீரை திறந்துவிட்டார். இந்த நீர் கல்லணை வந்தவுடன், கல்லணை மதகுகளும் ஜூன் 15-ஆம் தேதி திறந்து வைக்கப்பட்டன. பாசனத்துக்கு திறந்துவிட்ட நீரை சிக்கனமாக பயன்படுத்த விவசாயிகள் அறிவுறுத்தப்பட்டனர்.