நிமிஷா வழக்கில் சாத்தியமான அனைத்தையும் செய்துவிட்டோம்

உச்சநீதிமன்றத்தில் மத்திய அரசு தகவல்

- 

புது தில்லி, ஜூலை 14: யேமனில் கொலை வழக்கில் மரண தண்டனையை எதிர்நோக்கியுள்ள இந்திய செவிலியர் நிமிஷா பிரியா விவகாரத்தில், 'சாத்தியமான அனைத்தையும் செய்துவிட்டோம்; இனி எங்களால் பெரிதாக எதுவும் செய்ய முடியாது' என்று உச்சநீதிமன்றத்தில் மத்திய அரசு திங்கள்கிழமை தெரிவித்தது.

கேரளத்தைச் சேர்ந்த 38 வயது செவிலியரான நிமிஷா பிரியா, யேமன் தலைநகர் சனாவில் அந்நாட்டைச் சேர்ந்த தலால் அப்து மஹதியுடன் இணைந்து கிளினிக் ஒன்றைத் தொடங்கி, நடத்தி வந்தார். நிமிஷாவின் வருமானம், நகைகள், கிளினிக்கின் உரிமம், கவுச்சீட்டு (பாஸ்போர்ட்) ஆகியவற்றைப் பறித்துக் கொண்டு, மஹதி கொடுமைப்படுத்தியதாகக் கூறப்படுகிறது.

இதையடுத்து, 2017-இல் மஹதிக்கு மயக்க மருந்து கொடுத்து தனது பாஸ்போர்ட்டை மீட்க நிமிஷா முற்பட்டபோது அதிகமான மயக்க மருந்து செலுத்தியதால் மஹதி உயிரிழந்தார். மஹதியைக் கொலை செய்த வழக்கில் குற்றவாளியாகத் தீர்ப்பளிக்கப்பட்டு, நிமிஷாவுக்கு வரும் புதன்கிழமை (ஜூலை 16) மரண தண்டனை நிறைவேற்றப்படவுள்ளது.