பாரூர் ஏரியிலிருந்து பாசனத்துக்கு தண்ணீர் திறப்பு

பாரூர் பெரிய ஏரியிலிருந்து முதல்போக பாசனத்திற்கான வியாழக்கிழமை தண்ணீர் திறந்துவிடப்பட்டது.

- 

கிருஷ்ணகிரி, ஜூலை 10: இதன்மூலம் 7 கிராமங்களைச் சேர்ந்த 2,397 ஏக்கர் நிலங்கள் பாசனவசதி பெறுகின்றன.

போச்சம்பள்ளி வட்டம், பாரூர் பெரிய ஏரியிலிருந்து கிழக்கு, மேற்கு பிரதான கால்வாய்களில் முதல்போக பாசனத்திற்காக தண்ணீர் திறந்துவிட வேண்டும் என விவசாயிகள், தமிழக அரசுக்கு கோரிக்கை விடுத்தனர்.

இதையடுத்து பாரூர் பெரிய ஏரியிலிருந்து முதல்போக பாசனத்துக்கான கிருஷ்ணகிரி மாவட்ட ஆட்சியர் ச.தினேஷ்குமார், தே.மதியழகன் எம்.எல்.ஏ (பர்கூர்) ஆகியோர் வியாழக்கிழமை தண்ணீரை திறந்துவைத்தனர்.