ரூ. 1,741.54 கோடி வளர்ச்சித் திட்டப் பணிகள் நிறைவு

தருமபுரி மாவட்டத்தில் கடந்த 4 ஆண்டுகளில் ஊரக வளர்ச்சி மற்றும் ஊராட்சித் துறையின் சார்பில் ரூ. 1,741.54 கோடியில் 1,24,606 வளர்ச்சித் திட்டப் பணிகள் முடிவுற்றுள்ளன என மாவட்ட ஆட்சியர் ரெ.சதீஷ் தெரிவித்தார்.

- 

தருமபுரி, ஜூலை 5:

இதுகுறித்து அவர் மேலும் தெரிவித்ததாவது:

தருமபுரி மாவட்டத்தில் ஊரக வளர்ச்சி மற்றும் ஊராட்சித் துறையின் சார்பில் 2021-2025-ஆம் ஆண்டு வரை கடந்த 4 ஆண்டுகளில் சட்டமன்ற உறுப்பினர் தொகுதி மேம்பாட்டுத் திட்டத்தின் கீழ், ரூ. 52.45 கோடியில் 1,959 பணிகளும், மக்களவை உறுப்பினர் தொகுதி மேம்பாட்டுத் திட்டத்தின் கீழ் ரூ. 18.09 கோடியில் 298 பணிகளும், நமக்கு நாமே திட்டத்தின் கீழ் 228 பணிகள் ரூ. 13.04 கோடி மதிப்பீட்டில் நிறைவு பெற்றுள்ளன.