கரோனா தடுப்பூசி எச்சரிக்கை அறிவியலுக்கு எதிரானதல்ல

முதல்வர் சித்தராமையா பதில்

- 

பெங்களூரு, ஜூலை 4: கரோனா தடுப்பூசி விவகாரம் தொடர்பாக தனது கருத்தை 'உண்மைக்குப் புறம்பானது' என்று விமர்சித்த பயோகான் நிறுவனத்தின் நிறுவனர் கிரண்மஜும்தார் ஷாவுக்கு, அறிவியல் ரீதியான எச்சரிக்கை அறிவியலுக்கு எதிரானதல்ல என முதல்வர் சித்தராமையா பதிலளித்திருக்கிறார்.

ஹாசன் மாவட்டத்தில் தொடர் மாரடைப்பு உயிரிழப்புகள் ஏற்பட்டது குறித்து கருத்து தெரிவித்த முதல்வர் சித்தராமையா, 'கரோனா தடுப்பூசியை அவசரகதியில் அங்கீகரித்து, பொதுமக்களுக்கு செலுத்தியது மாரடைப்பு மரணங்களுக்கு காரணமாக இருக்கக்கூடும்' என தெரிவித்திருந்தார்.

அதற்கு விளக்கமளித்து, மத்திய அரசு புதன்கிழமை வெளியிட்ட அறிக்கையில், கரோனா தடுப்பூசிக்கும், திடீர் மரணங்களுக்கும் தொடர்பில்லை' என்று தெளிவுபடுத்தியது.

இதனிடையே, முதல்வர் சித்தராமையாவின் கருத்தை மறுத்து, பயோகான் நிறுவனத்தின் நிறுவனர் கிரண் மஜும்தார் ஷா, 'கரோனா தடுப்பூசிகள் அவசரகதியில் அங்கீகரிக்கப்பட்டது என்று கருதுவது உண்மைக்குப் புறம்பானது மட்டுமல்லாது, பொதுமக்களுக்கு தவறான தகவலை வழங்குவதாகும்.