கோயில் காவலாளி கொலை வழக்கு: விடியோ எடுத்தவருக்கு போலீஸ் பாதுகாப்பு

சிவகங்கை மாவட்டம், மடப்புரம் கோயில் காவலாளி அஜித் குமாரை தனிப்படை போலீஸார் தாக்கிய போது, அதை விடியோ எடுத்தவருக்கு துப்பாக்கி ஏந்திய போலீஸ் பாதுகாப்பு அளிக்கப்பட்டுள்ளது.

- 

மானாமதுரை, ஜூலை 3:

மடப்புரம் கோயில் காவலாளி அஜித்குமார் தனிப்படை போலீஸாரால் அண்மையில் அடித்துக் கொல்லப்பட்டார். முன்னதாக, அஜித்குமாரை போலீஸார் தாக்கிய போது, அதை மடப்புரம் கோயில் பணியாளர் சக்தீஸ்வரன் தனது கைப்பேசி மூலம் விடியோ எடுத்தார்.

இதனிடையே, இந்த வழக்கு சென்னை உயர் நீதிமன்ற மதுரை அமர்வில் விசாரணைக்கு வந்த போது, சக்தீஸ்வரன் தான் எடுத்த விடியோவை நீதிமன்றத்தில் சமர்ப்பித்தார். இந்த விடியோ தொலைக்காட்சி, சமூக வலைதளங்களில் வெளியானது. இதையடுத்து, சக்தீஸ்வரனுக்கு போலீஸ் பாதுகாப்பு வழங்க வேண்டும் என உயர்நீதிமன்ற நீதிபதிகள் உத்தரவிட்டனர்.