மாம்பழக்கூழ் தயாரிப்பு வரியை 5% ஆக குறைக்க வேண்டும்

பிரதமர் மோடிக்கு முதல்வர் ஸ்டாலின் கடிதம்

- 

சென்னை, ஜூன் 24: மாம்பழக்கூழ் தயாரிப்புக்கான சரக்கு மற்றும் சேவை வரியை (ஜிஎஸ்டி) 12-லிருந்து 5 சதவீதமாகக் குறைக்க வேண்டும் என்று முதல்வர் மு.க.ஸ்டாலின் கேட்டுக் கொண்டுள்ளார்.

இதுகுறித்து பிரதமர் நரேந்திர மோடிக்கு அவர் செவ்வாய்க்கிழமை எழுதியுள்ள கடிதம்: தமிழ்நாட்டில் சுமார் 1.46 லட்சம் ஹெக்டேரில் மா சாகுபடி செய்யப்பட்டு, அதில் 9.49 லட்சம் மெட்ரிக் டன் மாம்பழங்கள் உற்பத்தி செய்யப்பட்டுள்ளன. இந்த ஆண்டு மா மகசூல் அதிகரித்துள்ளதாலும், மாம்பழக்கூழ் தயாரிப்பு நிறுவனங்களின் கொள்முதல் குறைவால், விலை கிலோவுக்கு ரூ.5-க்கும் குறைவாக வீழ்ச்சி அடைந்துள்ளது. இதனால், விவசாயிகள் தங்களது விளைபொருள்களை மிகக் குறைந்த விலையில் விற்பனை செய்கின்றனர் அல்லது மரத்திலேயே பழுக்க விடுகின்றனர்.