2024 மக்களவைத் தேர்தலில் ரூ.1,494 கோடி செலவழித்தது பாஜக

கடந்த 2024 மக்களவைத் தேர்தலின்போது மத்தியில் ஆளும் பாஜக சுமார் ரூ.1,494 கோடி செலவழித்திருப்பது தெரியவந்தது.

- 

புது தில்லி, ஜூன் 20: இது கட்சிகளின் மொத்த தேர்தல் செலவில் 44.56 சதவீதமாகும்.

இதற்கு அடுத்தபடியாக எதிர்க்கட்சியான காங்கிரஸ் ரூ.620 கோடியை (18.5%) செலவழித்துள்ளது. தேர்தல் ஆணைய தரவுகளின் அடிப்படையில் ஜனநாயக சீர்திருத்தத்துக்கான சங்கம் (ஏடிஆர்) வெள்ளிக்கிழமை வெளியிட்ட ஆய்வறிக்கையில் இது தெரியவந்துள்ளது.

ஏடிஆர் அறிக்கையில் மேலும் கூறியிருப்பதாவது:

தேர்தல் ஆணையத்தில் சமர்ப்பிக்கப்பட்ட 32 தேசிய மற்றும் மாநிலக் கட்சிகளின் தரவுகளின் அடிப்படையில் இந்த ஆய்வறிக்கை வெளியிடப்பட்டது.