சகோதரியிடம் ரூ.17 கோடி மோசடி: அதிமுக முன்னாள் அமைச்சரின் மகன் கைது

சகோதரியிடம் ரூ.17 கோடி மோசடி செய்யப்பட்ட வழக்கில், அதிமுக முன்னாள் அமைச்சர் எஸ்.பி.சண்முகநாதனின் மகன் ராஜா கைது செய்யப்பட்டார்.

- 

சென்னை, ஜூன் 17:

சென்னை அய்யப்பன்தாங்கல் பகுதியைச் சேர்ந்தவர் பொன்னரசி. இவர், சென்னை பெருநகர காவல் ஆணையர் அலுவலகத்தில் அண்மையில் அளித்த புகாரில் கூறப்பட்டிருந்ததாவது:

எனது சகோதரர் தூத்துக்குடி மாவட்டம் பண்டாரவிளையைச் சேர்ந்தவர் எஸ்.பி.எஸ்.ராஜா. தூத்துக்குடி மாநகராட்சியில் 59-ஆவது வார்டு அதிமுக கவுன்சிலராக உள்ள ராஜா, அவரது மனைவி அனுஷா ஆகியோர் மருந்து விநியோகம் செய்யும் தனியார் நிறுவனம் நடத்தி வருகின்றனர். அந்த நிறுவனத்தில் முதலீடு செய்தால் 16 சதவீத பங்குகளைத் தருவதாக என்னிடம் இருவரும் கூறினர். அவர்களது பேச்சை நம்பி, அந்த நிறுவனத்தில் பல லட்சம் ரூபாயை நான் முதலீடு செய்தேன். இதையடுத்து நிறுவனத்தை விரிவாக்கம் செய்தால் பெரிய அளவில் லாபம் கிடைக்கும் எனத் தெரிவித்தனர்.