சவூதி அரேபியா: பணியிடத்தில் எண்ணற்ற புலம்பெயர் தொழிலாளர்கள் உயிரிழப்பு!

மனித உரிமை அமைப்புகள் கவலை

- 

துபை, மே 15: 2034-ஆம் ஆண்டு உலகக் கோப்பை கால்பந்து போட்டிக்குத் தயாராகி வரும் சவூதி அரேபியாவில் இந்தியா உள்ளிட்ட பல்வேறு நாடுகளைச் சேர்ந்த புலம்பெயர் தொழிலாளர்கள் பலர் பணியிடங்களில் உயிரிழப்பதாக மனித உரிமை அமைப்புகள் கவலை தெரிவித்து வருகின்றன.

25-ஆவது உலகக் கோப்பை கால்பந்து போட்டி சவூதி அரேபியாவில் 2034-ஆம் ஆண்டு நடைபெறவுள்ளது. இதற்கான அறிவிப்பை உலக ஃபிஃபா கடந்த ஆண்டு இறுதியில் அதிகாரபூர்வமாக வெளியிட்ட நிலையில், அந்த நாடு முழுவதும் உள்கட்டமைப்புப் பணிகள் ஏற்கெனவே தொடங்கி, தீவிரமாக நடைபெற்று வருகின்றன.

இந்த நிலையில், பணியிடங்களில் தவிர்க்கக்கூடிய விபத்துகளில் சிக்கி தொழிலாளர்கள் உயிரிழப்பது அதிகரித்துள்ளதாகவும், ஆனால் இது குறித்து அதிகாரிகள் முறையாக விசாரிப்பதில்லை என்றும் குற்றச்சாட்டு எழுந்துள்ளது.